VENRES 19 Nov. 2021

Pantallas_1920x1080_Cine_Submarino

VENRES  19 Nov   20:00h

»› Documental

CANTÁBRICO SALVAJE

Cantabria: 25 min. Español
Dirección: Enrique Talledo Guión e Imaxe: Enrique Talledo
Música: A dream, I’ll stay e Our future (Peder B.Helland)

Sinopse

O mar Cantábrico é un dos mares con maior biodiversidade de Europa. O documental, narrado en primeira persoa polo seu autor, Enrique Talledo, mostra con paixón as fascinantes experiencias vividas nel. Os auténticos protagonistas son criaturas que se adaptaron ás duras condicións deste bravo mar, dende enormes cachalotes ata os vulnerables cabalos de mar; desde pequenos charcos intermareais a augas da zona infralitoral de Galicia, Asturias, Cantabria e Euskadi. Algunhas das imaxes son primicia, ao ser a primeira vez que se captan a través dunha cámara nesta zona Atlántica.

 

VENRES 19 Nov  20:25h

»› Documental

OCÉANOS PROFUNDOS

EUA: 45 min. Español
Dirección: Masazumi Komoda e Masumi Mizunuma 
Imaxe: Hiroshi Tomita, Hirorumi Zusho, Junya Miyake, Munehiro Aoki… 
Música: Audio Network e Extreme Music  National Geographic

Sinopse

A Antártida é o lugar máis frío do planeta. Constitúe unha contorna demasiado dura para a supervivencia na terra para a maioría das formas vivas. Con todo, a vida submarina é totalmente diferente.

»› Convidado:

Jesús Souza

BIOGRAFÍA

Jesús Souza Troncoso é Catedrático da área de Zooloxía do Departamento de Ecología e Bioloxía Animal, investigador do Centro de Investigación Mariña (CIM-UVIGO), Prof. Zoología na Facultade de Ciencias do Mar; membro do grupo de Ecología Costera ECOCOST.
Ocupou varios postos de xestión académica e coordina o Programa de Doutoramento titulado “Bioloxía de Organismos e Ecosistemas”; primeiro Director do Centro de Investigacións Mariñas CIM-UVIGO; Director da Estación de Ciencias Mariñas ECIMAT.
Fóra do ámbito académico foi Presidente e tamén Vocal da Sociedade Española de Malacoloxía (SEM), Secretario de UNITAS Malacoloxica, Representante Científico de España na ESFRI-EMBRC. Actualmente é Vicepresidente da SEM; Membro do Comité Executivo de MARS Network (The European Network of Marine Research Institutes and Stations), Vicepresidente do Instituto de Cultura Ciencia e Tecnoloxía (ICCT); Vocal da Directiva de Alumni UVIGO.
É ou foi Investigador Principal de varios proxectos de programas europeos, LIFE, INTERREG, H2020, BLUE LAB; foi IP ou investigador integrado en programas nacionais, MEC, MINECO, Plan Galego I D, ou internacionais CYTED, Banco Americano de Desenvolvemento (BID) e varios contratos de investigación.
Autor ou co-autor de máis de 170 artigos científicos publicados, 15 capítulos sobre moluscos en enciclopedias, 8 libros, dos cales 6 deles sobre moluscos (Opistobranquios de Brasil; Moluscos do Mar de Bellingshausen; Guia de Moluscos Mariños de Galicia; etc.). Editor in chief do International Malacological Journal Argonauta (1999-2000); Editor Asociado de Iberus (2001-segue); Editor Asociado (Benthos) en Scientia Mariña (2007-segue); Comité Científico de Thalassas (2011-2020).
Participou en campañas oceanográficas e expedicións nas nosas costas e outras zonas do planeta como, Illas Fidji, Papua Nova Guinea, Brasil, Costa Rica, Hawái, etc.; destacando entre elas 3 campañas a bordo do Hespérides nas Illas Shetland do Sur (nestas Illas realizou 4 inmersiones en augas antárticas), Estreito de Bransfield e Mar de Bellingshausen e 2 campañas na Base Antártica Española Gabriel de Castilla, Illa Decepción. É membro do Comité Científico da Candidatura das Illas Cíes como Patrimonio da Humanidade da UNESCO.